Rev. Dr. Peter D. Thangngan

Rev. Dr. Peter Darkham Thangngan cu Lawngtlang khuami Pu Khen Kung le Pi Hniar Can hna i an ngeihmi fale 7 lakah pa 6 nak asi. April 28, 1998 kum ah Pi Monica Thangngan he thitumnak an ngei i Pathian nih fa le rosung panga a pek hna. Tang 7 tiang hi Lawngtlang ah kai. Khuabung ah tang 8 a kai. Hakha ah High School a kai i, 1990 kum ah Hakha High School No.2 in tanghra a awng. Bachelor of Theology (B.TH) cu Myanmar Center for Theological Studies, Yangon in 1996 ah a dih. Master of Divinity (M.Div) cu Hindustan Bible Institute and College (HBI), Chennai, India in 2004 ah a dih. Cun, 2015 ah Doctor of Ministry (DMin) cu Christian Theological Seminary, Indianapolis, USA ah tlamtling tein a lim.

Pathian riantuan hram aa thawknak cu 1996-1997 tiang Yangon ah sise, 1997-2000 tiang hi Rakhaing ram Ann khua ah pumpek in Mission rian a rak tuan. 2004 kum ah Lawngtlang Baptist Church Pastor a rak tuan i Khuabung Area Baptist Churches zongah Evangelist rian a rak tuan fawn. Cun 2005 ah Malaysia a phan i Malaysia Zophei Fellowship ah 2005-2007 tiang caantling pastor rian a rak tuan pah in UNHCR zongah holh let rian a rak tuan chih. 2007 kum ah USA, Indiana ah a chungkhar he an phan i Zophei Baptist Church ah Associate Pastor in 2008-2018 tiang a tuan i 2018 in Senior Pastor in nihin tiang Pathian rian a tuan a cuahmah liomi a si. Cun 2010-2012 tiang hi CBCUSA ah Assistant Treasurer a rak tuan i CMFI (Chin Ministry Fellowship of Indiana) chairman a rak tuan chih fawn. ABCUSA IN/KY nih Feb.2012 ah Pathian riantuantu puitling sinak Ordination an pek. Bawipa nih ngandamnak le nunkhua saunak thluachuah pe chin lengmang ko hna sehlaw hmang chin lengmang ko hna seh.