Rev. Ngun Kham cu Phaikhua khuami Pu Sa Duai le Pi Ni Beu nih an ngeihmi fale (7) lakah upabik asi. 1980 kum ah Pi Sui Ci he an i thium i Pathian nih fanu 4 thluachuah a pek hna. 1978 ah Hakha in tanghra a awng. 1984 kum ah Diploma of Theology cu Zomi Theological College (TC) in a dih. 1994 ah Eastern Theological College, Affiliated to Serampore College, in Bachelor of Theology (BTh) a dih. Master of Divinity (M.Div) cu 2013 ah Myanmar Institute of Theology (MIT) in a dih.

1978-1980 tiang Phaikhua Private Primary School ah cachimh rian a rak tuan. 1984-1985 tiang Kanpalet peng Khayaing khua ah CHIN FOR CHRIST IN ONE CENTURY (CCOC) palai rian a tuan. 1985-1990 tiang Phaikhua Baptist Church ah Church Pastor, 1985-1990 tiang Bawipatlang Area Baptist Churches (BABC) ah Youth director, 1990-1992 tiang TABC ah E&M Director, 1992 March-May thla tiang TABC Youth Director a tuan i Sianginn kai a duh caah a rian in aa din. 1995-2001 tiang Zophei Baptist Association ah General Secretary a rak tuan. 1998-2001 March tha tiang CARD President, 2001-2006 tiang CARD Director a rak tuan. 2007-2010 tiang ZPBA ah General Secretary a rak tuan than. 2007 – 2010 tiang CACC Vice President a rak tuan. 2013-2016 tiang CARD Finance Manager a rak tuan than. Cu hnuah, USA ram Indiana State Indianapolis khua ah a ummi Zophei Baptist Church nih pastor tuan dingah an lak i, 2017 July ah a chungkhar hna he USA an phan. 2017 in a tu tiang Zophei Baptist Church ah Associate Pastor in Pathian rian a tuan cuahmah lio a si. 2018-2022 atu tiang CBCUSA Mission Department Chungtel a si. 2021 January thla in Central Baptist Theological Seminary, Kansas City ah Doctor of Ministry tuah hram a thawk i a tuah cuahmah lio a si. Pathian nih ngandamnak le nunkhua saunak thluachuah pe sehlaw a ram kauhnak ding caah hmang chin ko seh.